සිහින පියාපත්: එදා ඔබ

පිපී හිනැහුණු මලේ හැටි අද
මටම ඇස් අදහන්න බෑ
එදා ඔබ දුටු විට සිනාසුන
හදේ රිද්මය වෙන්න බෑ ...

නෙතේ කඳුළැලි බර දරාගෙන
බිම බැලූ නෙත මට කියනු බෑ
කෙසේනම් එය මම කියන්නද
මගේ දැහැනින් මා මුදනු බෑ ..

සදාකාලික දෙයක් නොම බව
මගේ සිත වෙත බල කරනු බෑ
ඔබෙන් උදුරා ගෙන ගියත් ඒ
සොඳුරු රුව අමතක කරනු බෑ ..

එදා දෑතට දෑත පටලා
කෙරු සක්මන් අද කරනු බෑ
වියපත්ව ගිය අප දෙදෙන ගැන
කියන දේ අදහන්න බෑ ..